17 feb. 2018

Visita ao Politécnico de Vigo

O pasado xoves 15 de febreiro retornamos das vacacións de entroido para irnos cara a Vigo. Acompañados por unha insistente chuvia que practicamente non nos abandonou en todo o día. Non nos quedou outra que poñerlle boa cara ao tempo :)

No centro de Vigo recibíronos co programa na Biblioteca. Alí contáronnos dous novidosos proxectos cos que están: o club de LGTBIQA plus (non sei se me faltará algunha letra...) que están traballando en todo o instituto e a través do contrato programa. Contáronnos algunhas das actividades coas que axudan a que as persoas de diferentes orientacións sexuais: lesbianas, gais, transexuais, bisexuais, intersexuais, queer, asexuais...) poidan sentirse cómodas, protexidas e sen medos aos prexuízos sociais que de cotío fan a vida máis difícil. 
Dannos a benvida o Director, o coordinador da Biblioteca e o Club de Lectura



Na biblioteca teñen 30.000 exemplares, e está moi actualizada.
O seu club de lectura, Temos moito conto, ten menos andadura que o noso, pero seguen medrando. 





Aquí xa empezou o "convivio"


A continuación, ensináronnos como están empezando a funcionar co seu Club de Ciencia, na ESO e  en Bacharelato, con robots, animacións, impresións en 3D...

Algúns dos rapaces do Club de ciencia

Xa cos robots...











O pergamiño Vindel xunto a obra de Lugrís
Logo de xantar na Facultade de Industriais, o plan de pasar un tempo na praia de Samil tivo que cambiarse por pasalo nun centro comercial, debido á intensidade da chuvia. Ás cinco estabamos xa no Museo do Mar, onde puidemos gozar dunha visita moi ben explicada a través da exposición do Pergamiño Vindel

Aquí non puidemos comezar con mellor pé, posto que o pergamiño coa notación musical das cantigas de amigo de Martín Códax está situado diante do cadro Paisaxe coas illas Cíes de Urbano Lugrís. 



A explicación do profesor Carlos foi excelente
 







Hai moitas máis historias e contos deste día de intercambio de clubs, pero terán que serán outras e outros contistas e narradoras quen continúen o relato...


As encantadas profes :)

9 feb. 2018

Paxariñas por Sadako: Reto conseguido!!!


Grazas á colaboración de múltiples hábiles mans, sobrepasamos amplamente as 356 paxariñas e grúas de papel que lle faltaron a Sadako Sasaki para acadar as mil figuras de papel coas que, segundo a lenda nipona, tería cumprido o seu desexo de sanar. 


Para nós, foi un xesto pola paz e a non-violencia, unha forma de aprender maneiras de canalizar enerxías, de cultivar a paciencia, de traballar conxuntamente por un fin compartido. Foi toda unha experiencia de traballo colaborativo con moi variados equipos: para aprender e facer paxariñas e grúas, para montar chapas, e logo para contar as figuras, ensartalas, fixalas e colgar todo o feito. Participou moi activamente o profesorado do Departamento de matemáticas, en especial María Deive e de moitos outros, poñendo música e imaxes de fondo e contribuíndo coas paxariñas que se acababan de aprender a facer. 

Grazas a todos eses grans de area de tantos e tantas aportáchedes !!!




A gozar do Entroido!



5 feb. 2018

Empezamos: Primeira ronda de xadrez




Xa está en marcha o torneo de xadrez. Deixamos aquí os emparellamentos da primeira ronda e logo, como dixemos na reunión, irémolos poñendo na la Aula virtual do centro no curso de acceso libre de Biblioteca.

1 ALMONTE VICENTE, C - BARREIROS CAMISELLE, X 
2 DÁVILA FIGUEIRAS, É - CARITA FLORES, R 
3 CÉSPEDES THOLA, I -  FERREIRA CASSIANO SA., L 
4 ANTELO GONZÁLEZ, E - MONTERO SÁNCHEZ, D 
5 NAVEIRA GUIMAREY, S -  RAMOS MURAS, P 
6 ÁLVAREZ OTERO, A- COUCEIRO SALIDO, R 
7 ESCOBAR OCAMPO, L -  DANU, A 
8 BELIZARIO MARTINS, R  -  CAMEÁN PIÑEIRO, Z 
9 ROSÚA LÓPEZ, D - COARI BÁIZ, A 
10 MATA SERRA, M - NAVEIRA GUIMAREY, M 
11 LÓPEZ BERMÚDEZ, M - POSE ARANDA, M 
12 RAMOS RODRÍGUEZ, M - PAZOS MIRÁS, U
13 CASTRO JOGLAR, A -  POSE RIAL, S 
14 MONTEAGUDO LÓPEZ, B - PEGUERO SOLÍS, J
15 RODRÍGUEZ ESTÉVEZ, D - ARIFI AZLOU, M 
16 SÁNCHEZ FERREIRA, D -  ZOUGATT, M 
17 SANTOS FERNÁNDEZ, Á - MELLIZO ZARAMILLO, D 
18 BETANCES KING, I - OUIJDANI SÁNCHEZ, N 
19 CANARIO SOLÍS, A -  RODRÍGUEZ PAN, D 
20 ABELEIRO RODRÍGUEZ, J  - COSTOYA HURTADO MENDOZA, H 



Lembrade que na biblioteca temos libros novos para mellorar no xadrez!

A xogar!

3 feb. 2018

Por que a crueldade?

Enlazando dalgunha maneira co Día da paz e non violencia que estamos a conmemorar coa actividade das "Paxariñas pola paz",  na última sesión do Club de lectura (este pasado venres) preguntámonos pola crueldade, utilizando os materiais de filosofía visual para nenos de Wonder Ponder. Xurdiron un montón de preguntas e reflexións como si estivésemos nun filocafé, pero sen café ;)
Calquera pode ser vítima? Pode haber crueldade sen agresor? Pode haber crueldade con animais ou plantas? Cales son as motivacións das persoas que agreden? Que emocións senten as vítimas? E quen agrede? É a persoa agresora a única responsable? E se está actuando baixo as ordes doutras persoas?... E bastantes máis. O tempo, como sempre, non chegou a nada e quedou sen poñer un vídeo coa canción Natureza humana, de Michael Jackson, co que propoñíamos rematar. Aquí queda: 



A sesión anterior dedicáramola a presentar a temática deste trimestre, PREGUNTAS PARA PENSAR, empezando por cavilar en torno da inmensa capacidade do noso pouco coñecido cerebro, a potencialidade das preguntas para avanzar no coñecemento e a ver cales son os interrogantes que nos perseguen. Isto último plasmámolo graficamente recheando a silueta dun cerebro con todas as cuestións que se nos ocorresen. Incrible, cantas saíron!

Nas reunións falamos tamén da próxima excursión, o xoves 15 de febreiro, ao IES Politécnico de Vigo, do proxecto de ir ler a un Centro de día para persoas maiores, e lembramos o inminente comezo do torneo de xadrez este luns 5 de febreiro. 


Continuamos!!!

26 ene. 2018

Paxariñas pola paz

Para conmemorar o Día internacional da paz e a non violencia, o próximo martes 30 de xaneiro propoñemos elaborar paxariñas e outras figuras en papel  no recreo e nas clases.

Practicar origami (elaborar figuras en papel) require concentración, relaxación, habilidades e práctica…
Invítanos á serenidade e á paz…
Nas paxariñas de cores poderemos escribir poemas e frases que teñan que ver coa paz
Trae pensada o teu lema e nós ensinámosche a facer a paxariña

Logo colocarémolas todas xuntas facendo un decorado…



Queremos relacionar esta actividade coa LENDA DAS MIL GRÚAS DE PAPEL e a  HISTORIA  DE SADAKO SASAKI

Segundo unha lenda xaponesa, o teu maior desexo farase realidade se constrúes mil grúas de papel.

A consigna de crear grúas de papel na loita pola paz, remóntase á historia dunha das pequenas vítimas da bomba de Hiroshima durante a Segunda Guerra Mundial.
Sadako Sasaki tiña dous anos cando caeu a bomba en Hiroshima, cidade na que vivía. Dez  años máis tarde, cando tiña 12, como consecuencia da irradiación que lle produciu a bomba, diagnosticáronlle leucemia. Mentres estaba no hospital unha amiga contoulle a lenda 1.000  grúas de papel. Sadako desexou curarse da súa terrible enfermidade e para iso propúxose construír por si mesma 1.000 grúas de papel, aínda que non logrou conseguilo porque faleceu  antes de poder acabalas todas. Morreu en outubro de 1955 e só conseguira pregar 644 grúas de papel. Simbolicamente, as súas amizades continuaron a súa misión e completaron as mil grúas, coa esperanza de que se evitaran as guerras no futuro e se acadara a paz entre todos os países do mundo.

ANÍMASTE A FACER NOSA ESTA LENDA? Facémoslle unha ofrenda á paz?
Lograremos facer as 356 paxariñas que lle faltaron a Sadako?

Agardamos por ti o martes, 30 no recreo na entrada do instituto!!!


24 ene. 2018

Achégase o Torneo de xadrez!

Temos xa en marcha este curso unha nova edición do Torneo de xadrez!

A data límite de inscrición é o próximo martes 31 de xaneiro. Podes anotarte na Biblioteca.

O MÉRCORES 1 DE FEBREIRO, NA BIBLIOTECA, REALIZAREMOS UNHA REUNIÓN DE TODAS AS PERSOAS PARTICIPANTES PARA LEMBRAR AS NORMAS MÁIS IMPORTANTES E RESOLVER DÚBIDAS. 

Nesta ocasión faremos o torneo seguindo o sistema suizo  a 7 rondas. Isto quere decir que TODOS OS XOGADORES xogarán 7 partidas. As datas das 7 rondas serán os seguintes días:

- 1 RONDA: LUNS 5 febreiro
- 2 RONDA: XOVES 8 febreiro
- 3 RONDA: LUNS 19 febreiro
- 4 RONDA: XOVES 22 febreiro
- 5 RONDA: LUNS 26 febreiro
- 6 RONDA: XOVES 1 marzo
- 7 RONDA: LUNS 5 marzo


Unha vez rematadas as 7 rondas, os 4 mellores clasificados xogarán un playoff con semifinais e final, aínda sen data, pero previsiblemente á volta da Semana Santa. 

E para remate haberá unha festa na que xogaremos con xadrecistas doutros institutos.


E xa que estamos con deportes, recomendámosvos un interesante artigo no xornal El Mundo sobre mulleres no deporte: "La campaña de las deportistas españolas con el machismo: <<Ningún deporte es de hombres>>" A ver se tamén empezamos a notalo polo noso contorno...

Contamos con vós!!!

8 ene. 2018

Preguntas para pensar, no segundo trimestre



Comezamos o novo ano e, con el, o segundo trimestre con bo ánimo. 

Agora imos facer noso por completo o lema das Bibliotecas escolares deste curso, Un lugar para pensar, e imos facelo a través de preguntas, quizais o signo máis distintivo da filosofía e do pensamento. 

A modo de aperitivo, adiantamos que haberá cuestións como o por que da crueldade, que significa ser persoa, que implicacións ten a liberdade, existe unha única verdade... Moitas delas inspiradas na filosofía visual de wonderponder, na colección de Los pequeños platones e outra fontes que vos iremos indicando.

Deixámosvos aquí o calendario de reunións proposto. 

-----------------------------------------------------------------------

-----------------------------------------------------------------------------

----------------------------------------------------------------------------------



Atréveste ti tamén a preguntar? ;)