16 oct. 2017

TERRORÍFICO CONCURSO

Achégase o Samaín e retomamos o noso concurso de relatos terroríficos. Queremos comprobar a vosa capacidade para poñernos os pelos de punta rapidamente...

Así que aquí vos quedan as bases para redactar os vosos microrrelatos, que nesta edición, como novidade, podedes ilustrar (por aquilo de que algunhas imaxes valen máis cunhas poucas palabras). 


BASES DO CONCURSO:

1.  Os microrrelatos deben ser inéditos (non copiados), e encadrarse dentro do xénero do terror.

2.  Os microrrelatos han de ter unha extensión máxima de 125 palabras.

3. Os microrrelatos poderán estar escritos en galego, castelán, inglés ou francés.

4. Os microrrelatos poderán estar acompañados ou non dunha ilustración.

5. Debedes procurar que a redacción sexa fluída e non haxa faltas de ortografía.

6.  O prazo de entrega remata o venres 2 de novembro.

7.  Os microrrelatos entréganse na biblioteca, co voso nome, apelidos e curso, ou poden enviarse a: lerunmardecontos@gmail.com

8. O xurado estará conformado polo profesorado do grupo de biblioteca e dos departamentos de linguas do IES.


9. Poderá haber ata tres premios en cada idioma: un para o mellor microrrelato de 1º a 3º ESO e FPB, outro para 4º ESO, Bacharelato e Ciclos, e outro para o mellor relato ilustrado.

Esperámosvos!¡Os esperamos! Waiting for you! Attendons pour vous!

15 oct. 2017

Y COMENZAMOS A PENSAR con Gloria Fuertes





Nuestro CL inició su travesía anual hace unos días con un homenaje a la poeta Gloria Fuertes con motivo del centenario de su nacimiento. Y qué mejor comienzo que pensar a través de sus versos. Comentamos una breve selección de sus famosas y personales glorierías sobre temas tan universales como la paz, el amor, el valor del perdón, el conocimiento de uno mismo o la importancia de la solidaridad.

La autora le dio este título como versión personal de las conocidas Greguerías de Ramón Gómez de la Serna, quien en 1954 envió a Gloria desde Buenos Aires una carta donde le aconseja que 'no se deje llevar más que por sí misma'.



Después nos centramos en su poema "Geografía humana" para conocer mejor los entresijos del alma humana. Un profundo análisis prosopográfico y etopéyico de ella misma que podemos aplicar a cada uno de nosotros.
Toda una declaración de derechos humanos lo que nos transmite esta gran poeta y excelente persona.
Nuestro alumnado está preparando el reto con el que iniciamos esta trayectoria libresca que en esta ocasión trata de plasmar en un barco de papel azul una "gloriería" inventada. El próximo jueves y viernes veremos quiénes se han llevado el premio.






Os dejamos unos enlaces para que sigáis conociendo a esta magnífica escritora y podáis reflexionar con sus versos:
https://www.youtube.com/watch?v=uPp3EYISXfY
https://www.youtube.com/watch?v=xiEifjAbjJo
https://www.youtube.com/watch?v=43CV3hoM7Nk



14 oct. 2017

Kazuo Ishiguro, premio nóbel de literatura

Xa temos desde hai uns días un novo Premio Nóbel de Literatura. Desta volta correspondeulle ao británico Kazuo Ishiguro.

Quen é Kazuo Ishiguro?
      Nacido en Nagasaki (Xapón) en 1954,  trasladouse en 1960 a Inglaterra coa súa familia, cando lle ofreceron ao seu pai un posto como oceanógrafo en Surrey.
      Estudou inglés e filosofía na universidade de Kent e logo realizou un máster en escritura creativa na Universidad de East Anglia, onde os seus titores foron Malcolm Bradbury e Angela Carter.
      A súa tese converteuse na súa primeira novela, que foi aclamada pola crítica, "Pálida luz nas colinas".
      Ganou o Premio Booker en 1989 por O que queda do día, que foi convertida en película en 1993, dirixida por James Ivory e protagonizada por Anthony Hopkins e Emma Thompson.

      A súa última novela publicada é "O xigante enterrado", que saíu en 2015. O comité Nobel eloxiou este libro por explorar "como a memoria se relaciona co esquecemento, a historia co presente e a fantasía coa realidade".

Na biblioteca teredes á vosa disposción algúns libros de Ishiguro. Animádeos a lelos!!!

30 sept. 2017

Comezamos con "POESÍA PARA PENSAR"

Iniciamos este curso o noso club de lectura con catro grupos (a ver se acabamos con máis...) e cun tema máis ou menos común para o primeiro trimestre, "Poesía para pensar". En todo caso, durante todo o curso, dunha ou outra maneira, rondaremos o tema de "Biblioteca, lugar para pensar" que nos propoñen desde as Bibliotecas Escolares de Galicia. 


Poñemos a continuación o calendario das primeiras reunións dos diferentes grupos do club de lectura e xa iremos contando...


Só adiantamos que nos CL1 e CL2 haberá algo de... Gloria Fuertes, Carlos Negro, Xohana Torres, Miguel Hernández e Rupi Kaur  (sen atosigar, jeje).


Para a xente do CL3, de cultura xitana deixamos un artigo sobre a orixe dos xitanos na India.



E para o CL4, de 2º FPB Electricidade, só quedan Ideas de Bombeiro...


















Grupo 4: En horario de clase, lerá Ideas de bombeiro, de Andreu Martín.

Boas lecturas!

29 jun. 2017

Úlitmos premios do curso

E co curso rematando fixemos a penúltima entrega de premios, desta volta ás persoas gañadoras do Concurso de Carta a Carlos Casares ou Maruxa Mallo. 

O último premio entregouse na festa de fin de curso a Lucía Abril Romaní, por ser a mellor lectora da biblioteca (a que sacaou e leu máis libros da nosa biblioteca). 








Moi bo verán a todas e todos!!!

28 jun. 2017

X Xornada de Clubs de lectura






O pasado sábado 17 de xuño viaxamos con 12 participantes do Club de lectura a Santiago de Compostela para pasar unha magnífica xornada chea de actividades.  

Foi un día moi intenso e aproveitado en moitos os sentidos: lúdico, literario, social, cultural. Cada un dos momentos resultou unha experiencia interesante: espectáculos, actividades, charlas e mesmo o xantar e o traslado en bus con alumnado doutros tres centros: IES Sabón, IES Agra I e IES Pastoriza. 


Poidemos coñecer a xente como Carlos Negro, Miguelanxo Prado, Xosé Tomás, Andrea Maceiras, Rosa Aneiros, María Reimóndez, Ledicia Costas… ou César Mallorquí entre outros. 



Despois do xantar reunímonos -no tempo e espazo que nos propuxeron- con outros dous clubs de lectura: o do IES de Sabón (#bibliosabon)  e o do IES Pedra da Aguia da Ponte do Porto, Camariñas (club de lectura Arao). Con ambos mantivemos un enriquecedor intercambio de experiencias. 



Foi unha forma de rematar o club de lectura do curso cun gran sorriso nos beizos.



Tedes fotos, información, acceso ao programa, os autores etc na web das Bibliotecas escolares.







  





Tedes máis fotos no facebook de Biblio Lugrís

20 jun. 2017

As lecturas prometen aventuras

Entrando no verán, desde o Equipo de biblioteca, queremos desexarvos o mellor verán.

Cremos que os libros, películas, a música... poden contribuir a que este merecido descanso sexa máis gozoso. Aquí deixámosvos algunhas suxestións para ler, para ver, para sentir, para vivir...





Porque, como di Antonio Skármeta, "ler é unha maneira de ter máis vidas"