8 ene. 2018

Preguntas para pensar, no segundo trimestre



Comezamos o novo ano e, con el, o segundo trimestre con bo ánimo. 

Agora imos facer noso por completo o lema das Bibliotecas escolares deste curso, Un lugar para pensar, e imos facelo a través de preguntas, quizais o signo máis distintivo da filosofía e do pensamento. 

A modo de aperitivo, adiantamos que haberá cuestións como o por que da crueldade, que significa ser persoa, que implicacións ten a liberdade, existe unha única verdade... Moitas delas inspiradas na filosofía visual de wonderponder, na colección de Los pequeños platones e outra fontes que vos iremos indicando.

Deixámosvos aquí o calendario de reunións proposto. 

-----------------------------------------------------------------------

-----------------------------------------------------------------------------

----------------------------------------------------------------------------------



Atréveste ti tamén a preguntar? ;)





22 dic. 2017

Conto contos, con lentes de cor violeta



O pasado martes 19, e como xa vén sendo tradición, achegámonos ao CEIP Cornide Saavedra, carrexando os nosos contos. Tratando de encadrarnos no proxecto no que traballan este curso, "Lentes de cor violeta", levamos a dramatización de tres contos, que foron preparados na materia de teatro, en 2º ESO, e dirixidos pola profe Francisca García Jáñez.

- Rosa Caramelo, de Adela Turín. Interpretado por 2º ESO 
- Artur e Clementina, de Adela Turín. Interpretado por 2º ESO. Ambos da nomeada colección "A favor de las niñas".

Temos un vídeo de quick con fotos que recollen os momentos de preparación e demais e un moviemaker elaborado a partir das fotos da actuación realizadas por Yaiza Paz. Esperamos que vos praza...






Un millón de grazas polos momentos vividos!!!  Boas festas|||

17 dic. 2017

Recomendacións de Nadal

Como xa dixemos, na entrega de premios do pasado venres 15 aproveitamos para repartir un tríptico con algunhas suxestións para este Nadal. 

Desta volta, propuxemos máis películas que noutras ocasións, asesoradas polo Club de Cinema. 

Ademais, lembramos o lema das Bibliotecas Escolares deste curso: "Aprender a pensar coa biblioteca Escolar" e indicámosvos algúns sitios web que poderíades visitar. 

Tedes case todas estas recomendacións na biblioteca e, sobre todo, bastantes novas películas máis. Animádevos a pasar por elas!





Gustaríanos recibir logo os vosos comentarios sobre estes materiais que vos propoñemos.

Bo Nadal! Boas lecturas! Bo lecer!


16 dic. 2017

Entrega de premios dos Microrrelatos e do Club de cinema

O cartel gañador
Este venres pasado tivemos un recreo moi festivo na biblioteca. Entregar premios sempre nos pon de boas. 

Nesta ocasión, entregamos os premios do Concurso de Microrrelatos de terror (que xa están publicados aquí) e tamén o Concurso de carteis do Club de cinema Atlántida, que está botando a andar no instituto. 

premios de cine

 


Aproveitamos que estabamos moitos e moitas xuntos para repartir as Recomendacións de Nadal da Biblioteca, con bastante de cine, por suposto (nun momentiño publicámolas aquí tamén). 

Noraoa a todos e todas as premiadas!!! 
Boa andaina ao novo Club de cinema!!!





6 dic. 2017

"El burro vendido al mismo dueño" e outros estereotipos de xitanos


Nestas últimas sesións do CL3 (de cultura xitana), moi organizadamente dirixido coma sempre, pola profe Xulia Regueiro, seguimos a tratar sobre os estereotipos e prexuízos en torno aos xitanos/as. 


Unha das actas que prepara Xulia R.
Logo de facer unha posta en común, xogouse cun breve conto que houbo ordenar e logo ler. Trátase do conto "El burro vendido al mismo dueño", extraído do libro "Cuentos populares de los gitanos españoles", pola edición de Javier Asensio García. Témolo na biblioteca e tamén pode lerse en pdf a través de internet. 

Está resultando moi interesante, polo que nos gustaría que máis xente poidera gozar destas sesións.


 Animádevos!!!
O conto caótico





O conto


30 nov. 2017

Premios microrrelatos terroríficos





Debuxo de Alexandru Danu (3º ESO)



Xa temos a listaxe de premios dos relatos:


Nivel 1 (1º-2º ESO, FPB)

   ●1º premio: Natalia Fernández Rey, 1º FPB Aloxamento

   ●2º premio: Andrea Motataianu, 2º FPB Aloxamento

   ●3º premio: David Alejandro Ramírez (2º FPB Aloxamento)


Nivel 2 (3º-4º ESO, Bach, Ciclos)

  ●1º premio: Miren Cedeira Moreira, 3º ESO

  ●2º premio: Sara Romay Varela, 2º Bach

  ●3º premio: Alexandru Danu, 3º ESO (mellor ilustración)



E aquí quédanvos os microrrelatos:

Noraboa!!!

 

28 nov. 2017

ANIME, un xénero que engancha




O pasado venres 24 tivemos o pracer de recibir no noso  centro a Manuel Varela Amboage, especialista en animeo xénero de animación de orixe xaponesa que gusta tanto aos adolescentes.
Comezou a charla explicando o termo anime (abreviatura de animation) e a continuación falounos da orixe do xénero amosándonos as primeiras manifestacións de animación nipona mudas e sonoras, como Katsudo Shashin de 1907Chikara to onna no yo nakade 1933, para chegar ao primeiro longometraxe de anime con audio, Momotaro, deus das ondas, realizado en 1943.
Explicounos detidamente os diferentes tipos de anime pola orientación de audiencia ou polo tipo de xénero: kodomo (nenos), shôjo (rapazas), shôjen (rapaces), seinen (adultos), josei (mulleres), magical girl (mahô shôjo, bruxiña ou con poderes máxicos), mecha (robots xigantes)
Non esqueceu lembrarnos as primeiras series de anime en ser dobradas a diferentes idiomas, como Heidi, Marco, Mazinger Z..., que tantas lembranzas nos traen.
Continuou deleitándonos coas grandes compañías dedicadas tanto ás series televisivas como aos longometraxes, entre elas, ToieiCentrouse nos directores e creadores de renome como Katsuhito Otomo (Akira), Akira Toriyama (Dragon Ball) o Masashi Kishimoto (Naruto), Hayao Miyazaki (O meu veciño Totoro), etc. Poidemos admirar e escoitar varios anacos de ditas series.
Detívose na importancia da creación do estudo Ghibli, en 1985, co escritor Miyazaki e o produtor Takahata ao fronte. Grazas ao manga Nausicaa do Val do Ventosurxe o proxecto para levalo ao cine en 1984, onde retrata unha Terra devastada pola guerra, onde a humanidade está a punto de extinguirse. Grazas ao éxito da película e ao magnate do mundo editorial Tokuma, surxe o coñecidísimo estudo dedicado enteiramente al anime. É curiosa, como nos dixo Manuel, a importancia que Miyazaki dá ás mulleres nas súas películas, presentándoas como protagonistas fortes e valientes e, tamén, a súa paixón polas numerosas imaxes de escenas aéreas que aparecen nos seus traballos.

Ensinounos tamén algúns xéneros de anime relacionados coa vida real, o amor adolescente, a cociña ou os deportes. E tamén falounos da importancia das bandas sonoras así como de películas de anime traducidas ao galego, como as coñecidas sobre Shin Chan ou Pokemon.




E, como colofón, terminou con frases de despedida moi coñecidas en anime.
Hemos de agradecerlle así mesmo que, para ilustrarnos, nos trouxera exemplares do manga Nausicaada película El castillo en el cielo e do libro sobre o Studio Ghibli, Mi vecino Miyazaki.
Todo un despregue de coñecementos no género nipón!





Grazas, Manuel, encantounos!


* Entrada redactada pola profesora Francisca García, a partir das colaboracións de Pedro Reimúndez (4º ESO), Paula Parga (3º A ESO) e Yaiza García (3º A ESO).